Hvernig verkefni?
Beðið var um steypuútlit á 170 fermetra gólfflöt í einbýlishúsi í Reykjanesbæ. Húsið er á tveimur hæðum með stórum stiga á milli hæða.

Hvaða lausn?
Notast var við lausnina Micro Top, sem er vatnshelt micro sement sem hægt er að fá í nánast hvaða lit sem er. Ljós grár litur var fyrir valinu með satín gjáa.

Hvernig gekk?
Dagur 1. Tveir menn voru sendir til þess að vinna verkefnið. Byrjað var á því að demantsslípa og grunna allan gólfflötin með GP grunn frá HTH Lausnum til þess að tryggja hámarks viðloðun á efninu við gólfið. Eftir að gólfflöturinn hafði verið grunnaður, þurfti að bíða í 1 klukkustund eftir því að hægt var að leggja niður Micro Base. Micro Base efnið er polyurethane sements blanda og er notað áður en Micro Top er sett yfir gólfið. Lífið í gólfinu kemur að mestu úr því hvernig Micro Base efninu. Ferlið gekk nokkuð hratt fyrir sig, en það tók í kringum 4-5 klukkustundir að koma Micro Base efninu niður..

Dagur 2. Gólfið var slípað með sandpappírsslípivél áður en Micro Top var sett yfir. Þetta ferli tók 5 klukkustundir.

Dagur 3. Komið var aftur til verka á degi 3 til þess að setja CSL akrílgrunn og polyurethane satín gljáa yfir Micro Top. Áður en það var gert, var flöturinn sandpappírsslípaður til þess að fá sem bestu og sléttustu niðurstöðuna.